Deputetja e Lëvizjes Vetëvendosje, Arbreshë Kryeziu foli për ratifikimin e marrëveshjes me MCC-në.
Kryeziu deklaroi se deputetët e opozitës nuk janë gëzuar që një marrëveshje e tillë është bërë në kohën e Qeverisë Kurti.
“Të gjitha subjektet politike i përmendën liderët e tyre politik duke u munduar që t’iu atribuojnë sukseset atyre që në njëfarë mënyrë të kuptoj që kanë votua pro kësaj marrëveshje. Po sikur ndoshta nuk janë gëzuar që u bë në një kohë kur Qeveria Kurti po udhëheqë me vendin dhe në këtë mënyrë iu ktheheshin viteve para që tregonin që e ka nisur Presidenti Thaçi pse Presidentja Atifete Jahjaga”, tha Kryeziu.
Tutje deputetja e Vetëvendosjes e cilësoi si veprim të mirë votimin e kësaj marrëveshjes nga ana e opozitës duke thënë se në momente të tilla nuk duhet të bëhen dallime politike kur është në pyetje e mira e përgjithshme e Kosovës.
“Sot është një moment shumë i rëndësishëm ku ne nuk duhet të bëjmë dallime politike prandaj ky është veprim shumë o mirë që e kanë bërë deputetët e opozitës që kanë votuar miratimin e kësaj marrëveshje shumë të rëndësishme ndërkombëtare duke e bërë Kosovën të jetë përfituese e mbi 200 milionë euro fonde që do t’i dedikohej pikërisht energjisë”, tha Kryeziu në Tëvë1.
Ndërkohë sot është ratifikuar në Kuvendin e Kosovës marrëveshja e nënshkruar mes Kosovës dhe Korporatës së Sfidave të Mijëvjeçarit (MCC). Të gjithë 89 deputetët që ishin në sallë votuan për.
