Deputetja e AAK-së, Time Kadrijaj, në seancën e sotme në Kuvendin e Kosovës ka ngritur shqetësimin lidhur me punën shumë orëshe të punëtoreve të mesëm në QKUK, raporton InLajmi.
Për këtë shqetësim deputetja Kadriaj ka kërkuar nga Ministri i shëndetësisë Rifat Latifi që ta vizitoj këtë institucion shëndetësor, pasi siç tha ajo ka informata se atje punojnë punëtorët 40 orë në javë dhe nuk kompensohen.
Në këtë shqetësim të Kadriajt është përgjigjur ministri i shëndetësisë Latifi, i cili ka thënë se sipas informative që ka nga SHSKUK çështja e kujdestarive dhe ndërrimit të natës është rregulluar.
“Informatë nga SHSKUK. Duke u bazuar në ligjin e punës, në bazë të kontratës kolektive sektoriale e ka rregulluar mbajtjen e kujdestarive dhe ndërrimit të natës dhe në këtë bazë është e rregulluar edhe pagesa për kujdestari dhe ndërrimit të natës. Është e saktë që stafi infermier që punon me ndërrime nga 12 orë, mbajnë 192 orë për muaj, por edhe pagesa e orëve të punës më tepër se orari i rregullt është kalkuluar dhe paguhet së bashku me ndërrimet e natës”, tha ministri Latifi. /InLajmi/