Ezgjan Alioski është afër rikthimit në Evropë, pas transferimit në Arabinë Saudite, përkatësisht te Al-Ahli.
Lojtari shqiptar kishte një periudhë fantastike te Leeds United, por që vendoi t’i bashkohej skuadrës arabe.
Mirëpo, sipas asaj që raportojnë mediat në Turqi, Besiktasi është duke e projektuar transferimin e Alioskit dhe gjërat po shkojnë në rrugën e duhur.
Mbrojtësi i majtë i Maqedonisë së Veriut do të duhet të largohet nga Al-Ahli – pasi ata po bien nga kategoria. Lojtarët e huaj nuk lejohen në një ligë më të ulët në Arabinë Saudite.
Për më shumë, Alioski gjendet tashmë në Turqi për të realizuar transferimin te Besiktasi, ku shihet si zëvendësues i Ridvan Yilmas që iu bashkua Glasgow Rangers, shkruan Telegrafi.
Mbrojtësi i majtë me eksperiencë, i cili sezonin e kaluar luajti 30 ndeshje me skuadrën e tij, në këto ndeshje kontribuoi me 6 gola dhe 9 asistime për ekipin e tij.
