Një aksident trafiku ka ndodhur në qytetin e Mitrovicës, ku si pasojë e këtij aksidenti kanë mbetur të lënduar 2 persona, përcjell InLajmi.
Aksidenti thuhet të ketë ndodhur në mes të 2 veturave, kështu ka bërë të ditur për Gazetën InLajmi zëdhënësi i Policisë së Kosovës për rajonin e Mitrovicës, Avni Zahiti.
Shkaqet e këtij aksidenti nuk janë bërë të ditura akoma, pasi edhe vet policia akoma nuk ka informacione konkrete në lidhje më këtë.
“Aksident trafiku me lëndime, i ndodhur rreth orës 19:00 në rrugën e “Ulqinit” në Mitrovicë, të përfshira në aksident 2 vetura civile. Si pasojë e aksidentit, 2 persona janë lënduar. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, tha Zahiti.
