Në lagjen Bergam-Fushë Kosovë, një person ka raportuar në polici se ka gjetur fqinjin të shtrirë në dysheme në banesën e tij, dhe në vendin e ngjarjes menjëherë kanë dalë organet kompetente, ndërsa vdekjen e tij e ka konstatuar ekipi mjekësor, përcjell InLajmi.
Sipas policisë lidhur me rastin është kontaktuar edhe prokurori i shtetit ku me urdhër të tij trupi i viktimës është dërguar Institutin e Mjekësisë Ligjore për obduksion.
Hetimet për rastin në fjalë vazhdojnë
Njoftimi i plotë nga Policia e Kosovës:
Lagjja Bergam, Uglarë-Fushë Kosovë 25.07.2022-10:00-16:30. Ankuesi, mashkull kosovar, ka raportuar se fqinji i tij mashkull kosovar është gjetur i shtrirë në dysheme në banesën e tij. Njësitet kompetente kanë dalë në vendin e ngjarjes, ekipi mjekësor ka konstatuar vdekjen e viktimës. Sipas familjarëve ata nuk dyshojnë në askënd, të njëjtit deklarojnë se viktima shpesh ka konsumuar alkool. Lidhur me rastin është kontaktuar Prokurori, i cili ka urdhëruar që trupi i pajetë të dërgohet në IML për obduksion. Rasti nën hetime. /InLajmi/
