Në rrugën ‘Artim Jashari” në Mitrovicë është gjetur pa shenja jete një 50 vjeçar në shtëpinë e tij, përcjell InLajmi.
Rastin për InLajmin e ka konfirmuar zëdhënësi i policisë për rajonin e Mitrovicës, Avni Zahiti i cili tha se njësitet relevante kanë dalë menjëherë në vendin e ngjarjes ku është gjetur pa shenja jete një person.
Sipas Zahitit me urdhër të prokurorit trupi i viktimës është dërguar në Institutin e Mjekësisë Ligjore për obduksion.
“Vdekje e dyshimtë. Sot, rreth orës 09:00, është raportuar se në shtëpinë e tij në rrugën ” Artim Jashari” në Mitrovicë, është gjetur pa shenja jete viktima i moshës rreth 50 vjeçar. Njësitë përkatëse policore dhe ekipa mjeksore kanë dalë në vendin e ngjarjes. Me urdhër prokurorit trupi i pa jetë dërgohet në IML për obduksion”, tha Avni Zahiti. /InLajmi/
