Ministrja e Jashtme dhe Diasporës, Donika Gërvalla, në një konferencë për media e ka bërë të ditur se nga 27 korriku e deri më 7 gusht do të mbahet Karvani i Diasporës, raporton InLajmi.
Gjithashtu Gëvalla ka thënë se programi i 2-të është program i pilot që ka të bëjë me diplomacinë publike.
“Programi i 2-të i cili është fillimisht një program pilot është një program që ka të bëjë me diplomacinë publike. Është një interesim i natyrshëm i Republikës që të rinjtë që janë lindur e rritur në diasporë që ta njohin Kosovën përtej lidhjeve familjare”, deklaroi Gërvalla.
Sipas saj program në fjalë është pjesë e ndërlidhjes së strategjisë për diplomaci zyrtare.
“Si Ministri e Punëve të Jashtme në kuadër të Karavanit është pikërisht programi i diplomacisë qytetare. Është program lidershipi i cili është i dizajnuar që të zgjasë 6 muaj. Ky program është si pjesë e ndërlidhjes së strategjisë për diplomaci qytetare. Ftoj të gjithë të rinjtë dhe të rejat që të jenë pjesë e programit dhe të presim një ndërlidhje të tyre”, është shprehur ajo. /InLajmi/
