Altin Krasniqi, djali i ish-kryeparlamentarit, Jakup Krasniqi, bashkë me Elizabetë Krasniqi, kanë ecur drejtë altarit ku kanë kurorëzuar dashurinë e tyre, përcjell InLajmi.
Djali iu martua por pa prezencën e babait të tij, me sa duket ky fakt mërziti gjithë familjen Krasniqi.
Vajza e ish-kryeparlamentarit, Gresë Krasniqi, ka zgjedhur të shpreh këtë emocion me disa rreshta që thanë shumë, ajo ndër rreshta kujtoi babin e saj dhe martesën e vëllait.
Gresa ka bërë të ditur që babai i saj do jetë prezent në darsëm, fizikisht jo por do e ndjek virtualisht dasmën e djalit të tij, kështu vajza tha se po jetojnë me shpresën që së shpejti do të bashkohen dhe do të shijojnë bashkë lirinë e merituar.
Postimi i plotë i saj:
Altini u bë burrë, po martohet sot!
Ne tavolinën e dashnisë do të mungosh ti Babi, njeriu më i rëndësishëm në jetët tona por ne do të festojmë edhe për ty.
Babi do të jeshë pranë nesh, në lutjet tona, në vallzimet tona dhe në çdo dolli që do të ngrem!
Do të jesh pranë nesh në mengjes kur të zgjohemi, si bajraktar për të marrë nusen e deri në mbrëmje vonë. Do të jesh pranë nesh në lotet qe sigurtisht do të na tradhtojnë dhe në të qeshurat tona!
Je kujtimi ynë më i bukur, e njeriu më i pazëvëndësueshëm.
E në orën 4, do të jeshë pjesë e festës falë teknologjisë. Me kaq jemi të lumtur, e me ty shumë krenarë!
E jetojme çdo ditë me shpresen se shumë shpejt bashkë do të shijojmë lirinë qe aq fort e meriton!
Ty Babi të urojm shëndet ndërsa Altinit dhe Elizabetes dashuri pafund!
Te trashegohen çifti i bukur! /InLajmi/
