Që nga vajtja në Hagë e ish-presidentit të Republikës së Kosovës, Hashim Thaçi, dhe ish-krerët e tjerë të Ushtrisë Çlirmtare të Kosovës, familjarëve të tyre nuk iu kanë munguar vizitat nga krerët institucional, shok, e bashkëluftëtar të djemvë të tyre, përcjell InLajmi.
Së fundmi kreu i Nismës Socialdemokrate, Fatmir Limaj, ka vizituar familjën e ish-kreut të PDK-së, Hashim Thaçi, nga ku edhe tregoi në detaje për vizitën dhe bisedën në Burojë të Skënderajt.
Limaj tha së tek babai i Thaçit dhe vëllëzërit e tij sheh krenari dhe burrëri, pasi ndihen krenar për djalin që akoma edhe sot në liri po vazhdon të mbrojë lirinë.
Sipas kreut të Nismës qëndrimi i ish-krerëve në Hagë nuk është gjë tjetër veçse çmim i lirisë i cili po paguhet shtrenjtë.
Kështu Limaj dha një mesazh dhe la një porosi që prindërit, fëmijët e ish-krerëve të qëndrojnë krenar dhe ballëhapur për ata që e udhëhoqen Kosovën dhe i sollën pavarësinë.
Postimi i plotë i tij:
Me bashkëpunëtorë ishim në vizitë në familjen e presidentit Hashim Thaçi, ku si gjithmonë baca Haxhi na priti me gëzim e zemrën plotë me dashamirësi e ngrohtësi prindërore.
Përherë te baca Haxhi e djemtë e tij shohim krenari e burrni. Ky prind luftëtari e di më mirë se kush do, se ajo që po ndodh në Hagë vazhdon të jetë çmim i lirisë që po paguhet me mungesën e sakrificën që po e paguajnë presidenti me bashkëluftëtarët tanë.
Prandaj, prindërit, fëmijët dhe familjet e tyre janë të fortë, kokëlartë e krenarë për ata që e udhëhoqën Kosovën drejt lirisë dhe pavarësisë.
Krenar me UÇK-në dhe luftën saj të drejt, të pastër e të lavdishme.
Fatmir LIMAJ /InLajmi/
