Është konstatuar Komisioni Ad-Hoc për Reformën Zgjedhore në Kosovë e cila do të përmirësonte procesin zgjedhorë, duke përfshirë certifikimin e kandidatëve, listën e votuesve, votimin e diasporës, afatet kohore, financimin e partive politike, ku anëtarët e këtij komisioni janë shprehur optimist për punën që do të kryhet, raporton InLajmi.
Depurteti i Partisë Demokratike të Kosovës, Abelard Tahiri tregoi se cilët hapa janë të rëndësishëm në fillim të këtij komisioni.
Tahiri tha se më 10 vitet e fundit ka pasur 2 komisione nga Ad-Hoc për adresimin e zgjedhjeve.
“Çështje tjetër që është shumë me rëndësi është që në 10 vjetët e fundit i kemi pasur 2 komisione ad hoc për adresimin e zgjedhjeve, pra ka qenë komisioni i vitit 2011 i udhëhequr nga ish-deputeti, Haki Demolli, pastaj e kemi pasur komisionin që është formuar në vitin 2019, udhëhequr nga ish-kryeministri, deputeti Avdullah Hoti”, ka thënë në fjalimin e tij hapës, Tahiri.
Deputeti i Lëvizjes Vetëvendosje, Adnan Rrustemi, kërkoi që pas përfundimit të pushimeve të mbahet një takim më i gjatë.
“Pajtohem që në fillim të sezonit vjeshtor ne të kemi një takim të gjatë ku trajtojmë një plan të detajuar të punës, edhe të përqendruar në kohë, edhe të përqendruar në tema, duke synuar të adresojmë mbi 35 rekomandime nga vëzhguesit e Bashkimit Evropian”. /InLajmi/
