Kryetari i Partisë Demokratike të Kosovës, Memli Krasniqi, ka njoftuar se në komunën e Rahovecit kryetari më i ri i kësaj dege Edon Cana ka filluar punën për rikthimin e PDK-së në këtë komunë, përcjell InLajmi.
Krasniqi tha se në këtë takim me Canën ka diskutuar për nevojat e kërkesat e qytetarëve të Rahovecit.
Më tej ai tha se Edon Cana e ka përpara tërë PDK-në.
Postimi i plotë i tij:
Dega e Partisë Demokratike të Kosovës në Rahovec është para një momentumi të ri, përplot optimizëm. Me vullnet dhe energji të reja, Kryetari i ri i Degës, Edon Cana, së bashku me Kryesinë, kanë nisur punën për rikthimin e PDK-së në këtë komunë.
Me Edonin dhe Kryesinë e PDK-së në Rahovec diskutuam për planet drejt riorganizimit strukturor dhe për nevojat e kërkesat e qytetarëve të kësaj komune.
Edoni, si diplomat i suksesshëm, person i edukuar me shkollim superior, djalë që i do shumë Rahovecin dhe bashkëqytetarët e tij, është i përkushtuar për të krijuar alternativë dhe shpresë për të ardhmen. Në këtë mision, Edoni dhe ekipi i tij e kanë prapa tërë Partinë Demokratike të Kosovës! /InLajmi/
