Një ditë pas hapjes së negociatave me BE-në flamuri i Bashkimit Europian u ngrit në godinën e Kryeministrisë në Tiranë, gjatë një ceremonie ku morën pjesë anëtarë të qeverisë, maxhorancës, trupa diplomatike, përfaqësues të feve dhe të ftuar të tjerë.
Gjatë fjalës së tij Kryeministri Edi Rama tha se ky çast shënon një tjetër nivel për Shqipërinë. Ai shtoi se se vendet mike dhe aletatë janë gëzuar më shumë për arritjen e Shqipërisë. Kjo sipas Ramës shënon ngritjen e Shqipërisë në një tjetër nivel.
” Shumë të dashur qytetarë dhe qytetare, shqiptarë dhe shqiptare. Sot është një ditë e re për Shqipërinë dhe ju falenderoj ju që jeni këtu për ceremoninë e ngritjes, pas çeljes së negociatave. Prania juaj këtu është më shumë se një prani protokollare, pasi ju me institucionet që përfaqësoni jeni kontributorë për rrugëtimin evropian të Shqipërisë
Ngritja e këtij flamuri shënon ngritjen e Shqipërisë në një tjetër nivel. Ky moment shënon ngritjen në një nivel tjetër detyrimesh të marrëdhënieve të shoqërisë dhe qytetarit shqiptar me rregullat dhe vlerat evropiane”.
Mungesa e përfaqësuesve të opozitës në këtë ceremoni u cek edhe nga kryeministri Rama.
“Do të kisha dashur sot që këtu të ishte dhe opozita, jo sepse pasi ky nivel i ri marrëdhëniesh kërkon edhe një nivel të ri marrëdhëniesh mes qeverisë dhe opozitës. Por sot opozita ndodhet në një hendek të madh mes një pjesë të identifikuar me gjithçka bie ndesh me frymën dhe logjikën e Bashkimit Evropian që nga minim ii demokracisë dhe korrupsioni dhe një pjesë tjetër e cila nuk është damkosur, por edhe po i ftove nuk vijnë se kanë frika nga e para.
Unë e di se mes përfaqësuesve të vendeve mike dhe aleatë ka disa që i gëzohen kësaj arritjeje historike më shumë se disa syre mes nesh që nxijnë si shpirti i tyre. Dua jo vetëm t’i falënderoj sot për gjithçka bënë që negociata të hapen dhe Shqipëria të ngjitet në rrugën drejt majës ku populli shqiptar meritor, dua edhe t’i kërkoj ndjesë për gjithçka që i kanë dëgjuar veshët nga gojët e shthurura të Shqipërisë”, shkruan Gazeta Express.
Kreu i qeverisë falenderoi dhe kontribuesit në këtë sukses të shumëpritur për Shqipërinë. “Do kisha dashur të mos ishte nevoja të bëja më shumë në drejtim të miqve dhe partnerë tanë ndërkombëtarë. Mirëpo rruga e mundimshme më kanë bërë më shumë se njëherë dëshmitarë të faktit se kjo arritje historike do mendohej pa ndihmën e tyre aq sa do mendohej Reforma në Drejtësi pa ndihmën e aleatëve tanë strategjikë. Unë e di se mes përfaqësuesve të vendeve mike këtu të pranishëm ka disa që i gëzohen kësaj arritje historike më shumë se sa disa syresh që nxijnë më shumë se shpirti i tyre. Prandaj dua t’i falenderoj për gjithçka bënë, dua edhe t’u kërkoj ndjesë për gjithë çfarë u kanë dëgjuar veshët nga gojët e shthurura të Shqipërisë. Kujtoj këtu ambasadoren Vlahutin, ambasadorin Donald Lu dhe ambasadorin Luigi Soreca”.
