Kryetari i Bordit të Rregullatorit të Energjisë Elektrike, Ymer Fejzullahu ka deklaruar se kanë informuar në detaje deputetët e AAK-së, Besnik Tahiri si dhe Bekë Berisha lidhur me zhvillimet e fundit në kuadër të energjisë në Kosovë, raporton InLajmi.
Fejzullahu ka thënë se në shkurt të vitit 2022 është përmbyllur shqyrtimi për furnizimin e qëndrueshëm me energji elektrike dhe se mundohet jetë edhe në vitin e ardhshëm.
“Ne kemi thënë se ato varen prej çmimeve të importit, meqenëse ato çmime varen nga bursa ndërkombëtare. Kurdo që përmbushen kërkesat ligjore, ende s’janë plotësuar për shqyrtim të jashtëzakonshëm të tyre. Ne kemi përmbyllur një shqyrtim të jashtëzakonshëm në shkurt të këtij viti dhe kemi një furnizim të qëndrueshëm me energji elektrike dhe po mundohemi njëjtë të jetë edhe vitin e ardhshëm. Me mundësinë që kemi me gjeneratorët vendorë, por edhe me mundësitë që kemi edhe rreth çmimeve dhe sasisë së importit në bazë të tregjeve regjionale”, shtoi Fejzullahu.
Gjithashtu ai tha se beson se ZRRE-ja e ka kryer punën e saj për Elektroserver ku pikat tjera do ti takojnë KEDS-KOST.
“Besoj se ZRRE-ja e ka kryer punën e saj, pika e parë ka qenë dhënia e licencës për Elektroserver, kurse pikat tjera i takojnë institucioneve të tjera, si KEDS-KOST e të tjerat bashkë me Elektroserverin. Ne mund të japim një informatë që besoj e dini që pika e dytë ende s’është respektuar në bazë të afatit, edhe pikat tjera janë të përfshira në të.Pika e dytë s’është zbatuar. Nëse shikohet në bazë të marrëveshjes thuhet se pas 100 ditëshit e qartëson se cilat janë veprimet e ZRRE-së, në përmbushje të pikave të tjera”, përfundoi ai. /InLajmi/
