Presidenti Volodymyr Zelensky ka shkarkuar kreun e agjencisë së sigurisë së Ukrainës (SBU) dhe prokurorin e përgjithshëm, duke përmendur shumë raste të tradhtisë në dy organizatat e fuqishme.
Sipas BBC, ai tha se më shumë se 60 ish-punonjës tani po punonin kundër Ukrainës në zonat e pushtuara nga Rusia.
Një total prej 651 rastesh bashkëpunimi dhe tradhtie ishin hapur kundër zyrtarëve të zbatimit të ligjit, shtoi ai.
Zyrtarët e shkarkuar, Ivan Bakanov dhe Iryna Venediktova, nuk kanë komentuar deri më tani.
Në fjalimin e tij video të dielën vonë, Zelensky tha: “Një grup i tillë krimesh kundër themeleve të sigurisë kombëtare të shtetit… shtrojnë pyetje shumë serioze për krerët përkatës [të 2 organizatave]”.
“Secila nga këto pyetje do të marrë një përgjigje të duhur”, shtoi presidenti ukrainas, trasnemton Telegrafi.
Shkarkimi i shefit të SBU, Ivan Bakanov, një mik fëmijërie i Zelenskyt, pason arrestimin e profilit të lartë të një ish-kreu rajonal të SBU në Krime, të aneksuar nga Rusia në vitin 2014. Oleh Kulinych dyshohet për tradhti.
