Zëvendëskryeministri Besnik Bislimi, ka raportuar sot në Komisionin për Integrime Evropiane, dhe fillimisht anëtarët e komisionit nga opozita i kanë kërkuar Bislimit, distancimin nga deklarata e deputetes Fitore Pacolli për mediat.
Por opozita nuk mori përgjigje nga Sveçla, ndërsa ky i fundit tha se ishte aty për të raportuar për procesin e integrimeve e jo për distancim ndaj delkarimit të deputetes Pacolli.
Ishte deputetja e PDK-së Blerta Deliu, ajo e cila me ‘nervozizëm’ i reagon Bislimit për mospërgjigjen.
“Për rastin e Fitore Pacollit, pse s’po e thoni një fjalë, pse s’po merrni anë me thanë është gabim sepse jeni zëvendëskryeministër përgjegjës për procesin integrues dhe për çështje të dialogut. Prandaj, ju e dini shumë mirë, për një vend demokratik që raportet të vijnë me zëra të shumicës që sot kërkon cenzurë, dhe kërkon të ketë kontroll nga Kuvendi dhe Qeveria për mediat, është më e pakta që duhet ta thoni sot në këtë takim”, u shpreh deputetja Blerta Deliu.
Nuk mbeti jashtë debatit as edhe nënkryetarja e Komisionit nga radhët e Vetëvendosjes, Arbëreshë Kryeziu-Hysenit.
“Zonja Deliu ti nuk ke qenë aq e zëshme në atë kohë. Në atë kohë kur raportuesit kanë idenfiku me emër e mbiemër persona politikanë që kanë ndiku mbi mediat, nuk ke qenë kaq e zëshme. Mos e hudhni debatin në një pikë ku ju dëshironi”, tha ajo. Por, Deliu e PDK-së, këmbënguli në këtë temë, të cilën sërish nuk u deklarua Bislimi, përcjell preiskopi.
“Unë ma se paku sot dua ta kthej këtë diskutim brenda kolegëve deputetë. Unë dua përgjigje nga zëvendëskryeministri. Nëse qeveria nuk di me artikulu punën e saj, dilni në vendin e zëvendëskryeministrit, le të mos flasë fare. Kur një parti me 50,2 %, tenton që kritikën ta mbyllë duke kërku kontroll të Kuvendit dhe Qeverisë, këtu e mbylli debatin me ju”, tha Deliu.
