Në Aeroportin e Lutonit në Angli, janë pezulluar thuajse të gjitha fluturimet. Kjo meqë vala e të nxehtit të sotëm ka çuar në një defekt në pistë, përcjell InLajmi.
Temperaturat e larta kanë çuar në ‘’dëmtimin’’ e pistave në zonat anembanë Anglisë.
“Pas temperaturave të larta të sotme, një defekt në sipërfaqe u identifikua në pistë”, tha në një deklaratë Aeroporti Luton, shkruan Reuters.
“Inxhinierët u thirrën menjëherë në kantier dhe punimet e riparimit janë duke u zhvilluar për të rifilluar punën sa më shpejt të jetë e mundur’’, theksohet tutje.
