Numri i rasteve me koronavirus është rritur shumë ditëve të fundit, për këtë ka bërë thirrje qytetarëve Ministria e Shëndetësisë, që të vaksinohen kundër koronavirusit, përcjell InLajmi.
MSH-ja ka njoftuar se mundëson qasjen më të lehtë në vaksina falas, teste rapide dhe trajtim klinik në QKUK për koronavirus.
Gjithashtu ka bërë thirrje për të gjithë ata që kanë simptoma të koronavirusut të lajmërohen në spitalet regjionale.
Njoftimi i plotë nga Ministria e Shëndetësisë:
Rastet me COVID-19 po shënojnë rritje dhe sipas projeksioneve të IKSHPK, dinamika në rritje pritet të vazhdoj edhe në ditët në vijim.
Ministria e Shëndetësisë përmes institucioneve shëndetësore mundëson qasje të lehtë në:
– vaksina falas, të sigurta dhe efektive në qendrat e vaksinimit në të gjitha komunat, pavarësisht vendbanimit e shtetësisë,
– teste PCR falas në IKSHPK dhe 6 qendrat rajonale (Mitrovicë, Pejë, Gjakovë, Prizren, Ferizaj, Gjilan),
– teste rapide falas në shumë prej QKMF-ve,
– trajtim klinik për Covid-19 në QKUK e spitalet regjionale.
Të nderuar qytetarë,
Nëse keni simptoma, lajmërohuni menjëherë në qendrat e testimit, nëse rezultoni pozitivi izolohuni sipas udhëzimeve.
Bartni maskën në mjedise të mbyllura.
Vaksinohuni në qendrën më të afërt të vaksinimit.
- Personat e moshës mbi 12 vjeç mund të vaksinohen me dozën e parë, të dytë dhe të tretë të vaksinës kundër COVID-19;
- Qytetarët e moshës mbi 60 vjeç mund të vaksinohen edhe me dozën e IV-të (katër muaj pas marrjes së dozës së III-të)
- Fëmijët e moshës 5-11 vjeç me dozën e parë dhe të 2-të. /InLajmi/
