Pas mbledhjes së Kryesisë së Kuvendit, Shefi i grupit parlamentar të Aleancën për Ardhmërinë e Kosovës, Besnik Tahiri, ka thënë se do të propozohen 2 rezoluta në Kuvend, raporton InLajmi.
Lidhur me këtë Tahiri tha se do të diskutohet për liberalizimin e vizave, dhe për ngritjen e çmimeve,
“Si grup parlamentar ne kemi kërkuar një debat në Kuvend, që lidhet drejtpërdrejt me diskriminimin dhe padrejtësinë që u behët qytetarëve të Kosovës për liberalizimin e vizave. Do ta prezantojmë një rezolutë, në mënyrë që Kuvendi ta adresojë këtë çështje në instancën më të lartë”.
Gjithashtu ai tha se, Ekonomia e Kosovës është para kolapsit dhe se duhet që qeveria ta ketë një zbritje të çmimeve.
“Një çështje tjetër që u trajtua ishte ngritja e çmimeve. Ekonomia e Kosovës është para kolapsit. Çmimet janë në nivelin më të lartë të mundshëm. Andaj, do të propozohet edhe një rezolutë në Kuvend, të kërkohet nga Qeveria që të ketë një tavan të çmimeve”, tha Tahiri. /InLajmi/
