Kuvendi i Kosovës i ka ndërprerë punimet e seancës plenare për shkak të mungesës së kuorumit, përcjell InLajmi.
Në njoftimin nga Kuvendi i Kosovës, thuhet se Kryetari Glauk Konjufca ka ndërprerë deklarimet jashtë rendit të ditës edhe me pyetje parlamentare.
Më tej thuhet se pikat e parapara për sot do të diskutohen në seancën e radhës.
Njoftimi i plotë nga Kuvendi i Kosovës:
Kuvendi i Republikës së Kosovës, nën drejtimin e kryetarit Glauk Konjufca, pas përfundimit të pikave të mbetura nga seancat e kaluara, vijoi punimet me seancë të re, e cila filloi me deklarime jashtë rendit të ditës dhe me pyetje parlamentare.
Por punimet u ndërprenë për shkak të mungesës së kuorumit dhe pikat e parapara për sot do të diskutohen në seancën e radhës. /InLajmi/
