Deputetja e PDK-së, Ganimete Musliu, gjatë seancës Plenare të kuvendit të Kosovës ka folur për nevojat me grurë që përmbushen vetëm 30%, raporton InLajmi.
Musliu tha se raportimet nga terreni tregojnë se rendimentet e grurit janë shumë të ulëta.
“Shifrat që raportohen nga terreni janë larg nga ministria që thotë se sasia e grurit përmbush mbi 70% të nevojave. Sipas drejtuesve të Sindikatës së Bujqve dhe vet bujqve që punojnë tokat, rendimenti i sivjetëm nuk plotëson më shumë se 30% të nevojave për këtë vit”.
Gjithashtu ajo tha se kjo gjendje do ta imponojë shtetin e Kosovës që të rritet sasia e importit, dhe është mirë që kjo gjendje të mos neglizhohet nga qeveria por të bëjë plan konkret për sigurimin e rezervave të mjaftueshme të mielli deri në sezonin tjetër. /InLajmi/
