Oda Ekonomike e Kosovës ka zgjedhur drejtuesit e rinj, ku kryetar i saj u zgjodh Lulzim Rafuna, raporton InLajmi.
Kryesues i Kuvendit në Oden Ekonomike të Kosovës është zgjedhur Sami Mazreku.
Ish kryetari i Odës Ekonomike të Kosovës, Berat Rukiqi, e ka uruar Rafunën për pozitën e re duke thënë se ka besim që do ta shtyjë e dhe më përpara OEK-un.
“Besoj se kryetari i ri do ta shtyjë përpara edhe do ta vendosë në nivele të tjera OEK-un. Ne e kemi përgatitur dokumentacionin bazë për punën 4 vjeçare”, u shpreh ai.
Kryetari i ri i OEK-ut, Lulzim Rafuna, tha se detyrën e re e ka marrë më shumë si sfidë e përgjegjësi sesa privilegj.
“Po ndihem i nderuar që sot jam zgjedhur nga kuvendi i OEK-ut. E shpreha edhe në fjalimin tim që nuk është privilegj për mua po do të jetë sfidë dhe përgjegjësi. Kam informata që oda ka staf të mrekullueshëm, e së bashku do të ndërmarrim veprime konkrete që ta zhvillojmë më tutje Odën.” /InLajmi/
