Avokatja e Arbër Sejdiut, Arbnora Shefkiu, foli lidhur nisjen e gjykimit ndaj Dardan Krivaqës dhe Arbër Sejdiu, të cilët akuzohen për vrasjen e Marigona Osmanit.
Ajo tha se Arbër Sejdiu konsideron që kualifikimi ligjor që është bërë mbi barrën e tij, nuk është ai që duhet të jetë.
Sipas Shefkiut, Arbër Sejdiu nuk e pranon që ka marrë pjesë në kryerjen e veprës penale “Dhunim” dhe “Vrasje në bashkëkryerje”.
“Arbër Sejdiu ngarkohet me 2 vepra penale, ndihmë në kryerjen e veprës penale “Dhunimi” dhe “Vrasje në bashkëkryerje”. Arbër Sejdiu për këto kualifikime ligjore është deklaruar i pafajshëm meqë i njëjti konsideron se kualifikimi i cili është bërë në barrë mbi Arbër Sejdiun nuk është ai mendon Arbëri që duhet të jetë. Dispozitivi i aktakuzës thotë që Arbër Sejdiu bashkë me Dardan Krivaqën kanë ndërmarrë veprimë të 2 së bashku dhe i kanë shakktuar lëndime trupore, që si pasojë kanë shkaktuar vdekjen e Marigonës. Ndërkohë për veprën e dhunimit, thotë që Arbëri ka krijuar kushte, pra i ka ndihmuar Dardanit që i njëjti të kryejë veprën penale të “Dhunimit”. Arbëri nuk pranon që i njëjti ka marrë pjesë në kryerjen e veprës penale “Vrasje në bashkëkryerje”, pra sipas Arbër Sejdiut nuk ka marrë asnjë veprim që me veprimet e Arbërit bashkë me Dardanin kishin me i shkaktu vdekjen Marigonës. Pra këto veprime i njëjti i mohon, për të cilat do të japë edhe një deklaratë dhe do të tregojë pse konsideron që nuk është i fajshëm për këtë vepër penale.Poashtu edhe për veprën penale të dhunimit konsideron që nuk është fajtor, sepse nuk i ka kriju kushte dhe nuk e ka ndihmu askënd për këtë vepër”, tha Shefkiu.
Ajo e pranoi që para se të nisë seanca, ka diskutuar me klientin e saj, mirëpo nuk tregoi se çfarë kanë folur saktësisht.
“Është e vërtetë që unë e Arbëri kemi diskutu dhe kemi diskutu shumë çështje rreth ngjarjes, kualifikimit ligjor, aktakuzës, provave, gjë për të cilën nuk mundem me tregu se çka kemi diskutu ne të 2 në këtë fazë”, tha Shefkiu.
Avokatja e tij, gjithashtu, tregoi se Sejdiu nuk e mohon prezencën e tij në banesën e Krivaqës, gjë që e dëshmojnë edhe kamerat e sigurisë, mirëpo Shefkiu tha se pamjet e kamerave do të shqyrtohen më vonë.
“Arbër Sejdiu në deklaratën që e ka dhënë në polici atë ditë që është arrestu, nuk e mohon prezencën e tij në banesën e Dardan Krivaqës, poashtu janë kamerat e sigurisë që janë marrë nga banesa e Dardan Krivaqës që dëshmojnë prezencën e Arbërit, por se sa herë ka qenë e në cilat momente ka qenë ato do të diskutohen gjatë shqyrtimin gjyqësor.”
Shefkiu komentoi edhe deklaratën e babait të Marigona Osmanit, që Arbër Sejdiu e Dardan Krivaqa duhet të dënohen me burgim të përjetshëm.
“Është normale që familja e Marigonës me kërku dënime maksimale edhe për Arbërin e Dardanin, unë besoj, që nuk do të jenë të mjaftueshme për familjen, për shkak që ata veçse e kanë humb një person të tyre, në mënyrën qysh e kanë humb është shumë e arsyeshme, por pjesa tjetër i takon gjykatës”
Shefkiu tha se presin një gjykim të drejtë e të pandikuar, tha ajo për T7.
“Do të presim një gjykim të drejtë të pandikuar, dhe pjesën tjetër do ta vlerësojnë trupi gjykues i thirur profesionalisht për me vendos për çështjen, për Arbërin dhe për Dardanin poashtu”.
