Arbnor Muja ishte njeriu i ndeshjes në fitoren e Dritës kundër Inter Turku.
Nënkampionët e Kosovës sonte mposhtën skuadrën finlandeze, me rezultat 3-0, dhe me rezultatin e përgjithshëm në të 2 ndeshjet prej 3-1, kaluan në rrethin tjetër të Conference League.
Muja, i cili shënoi 2 gola në fitoren e gjilanasve, pas ndeshjes tha se fitorja është dashur të jetë edhe më e thellë.
“Rastet u krijuan shumë shpejt. Rezultati nuk ishte real, duhej të ishte më i thellë. Kemi luajtur shumë mirë e gjithë skuadra”, tha ai.
Drita në raundin e 2-të kualifikues të Ligës së Konferencës takohet me skuadrën belge, Antwerpin belg.
Muja është i vetëdijshëm se sfida e radhës është edhe më e vështirë, por ai beson në forcën e skuadrës së tij, shkruan RTK.
“E dimë që kemi kundërshtar më të vështirë se Inter Turku. Por besojmë në grupin tonë dhe në mënyrën se si luajmë. Do të respektojmë kundërshtarin, por edhe veten”, ka theksuar Muja.
