I pari i Prishtinës, Përparim Rama, shprehet i bindur që do ia kthej ndriçimin kryeqytetit por vetëm me punë dhe njerëz që duan punën, përcjell InLajmi.
Rama ka bërë me dijë që është takuar më artistin e çmimeve ndërkombëtare, Petrit Halilaj, e kështu bashkë më të cilin kanë një synim të përbashkët që Prishtinës t’i kthehen hapësirat publike.
E siç thotë Rama është Halilaj ai i cili po ia rikthen “yjet e Grandit”, pasi sipas tij në kuadër Manifesta Biennial ’14 Petriti do e ndriçoi Prishtinën.
Ndërsa tutje tha së fal Halilajt qytetarët dhe vizitorët e Prishtinës do mund ta përjetojnë Manifesta 14.
Postimi i plotë i tij:
Bashkë do t’ia kthejmë ndriçimin Prishtinës.
Petrit Halilaj, artisti i çmimeve ndërkombëtare po i “rikthen yjet e Grandit” si sinonim i rikthimit të hapësirave publike.
Jam i lumtur që kujtesa jonë kolektive po “ndriçohet” në kuadër të Manifesta Biennial ‘14, nga vepra e një artisti të madh si Petriti.
Vizita jonë sot në Hotel Grand ishte një përjetim i veçantë, e me hapjen e Manifesta’14 këtë përvojë mund ta përjetojnë të gjithë qytetarët dhe vizitorët e Prishtinës. /InLajmi/
