Komisioni për Shëndetësi dhe Mirëqenie Sociale nuk e ka miratuar Projektligjin për rregullimin e çmimit të produkteve medicinale, raporton InLajmi.
Lidhur me këtë, Deputeti i PDK-së, Bekim Haxhiu, e kritikoi Qeverinë për shtyrjen e kësaj nisme.
“Nisma ligjore ka filluar në muajin mars. Qëllimisht është shtyrë nga Qeveria. Ka mbetur vetëm në agjendë. Më vjen mirë që kjo iniciativë e jona të ketë angazhuar dikë në Ministri të Shëndetësisë. Nëse ka qeveria draft mundet me e inkorporua mes 2 leximeve. Qëllimi është me e rregullua këtë sektor në aspektin ligjor”.
Ndërsa deputet nga radhët e LDK-së, Armend Zemaj, tha se ky projektligj do të ishte i nevojshëm për qytetarët.
Gjithashtu Zemaj tha se kanë kaluar 4 muaj dhe ende ky ligj nuk është i gatshëm.
“Mirë është të rregullohet kjo fushë me ligj. Këtu ka të involvuar edhe sektorë tjerë. Mes 2 leximeve Qeveria duhet të implikohet edhe nëse sjellë draftin vet. Kanë kaluar 4 muaj që ky ligj është i gatshëm. Mendoj që duhet ti japim përkrahje në parim” /InLajmi/
