Policia e Kosovës, ka njoftuar se një person ka lënduar vetën me një thikë në Sheshin “SKENDERBEU” në Prishtinë”, përcjell InLajmi.
Lajmin për InLajmin e ka konfirmuar Zëdhënësi i Policisë së përgjithshëm, Daut Hoxha.
“Me datë 11.07.2022. në ora 14:35, Policia e Kosovës ka pranuar informatën lidhur me prezencën e një personi me thikë në dorë te Sheshi “SKENDERBEU” në Prishtinë”.
Hoxha ka thënë se lidhur me rastin janë angazhuar menjëherë njësitet relevante policore.
Ndërsa Policia është duke kryer hetimet relevante lidhur me rastin.
“Menjëher janë njoftuar dhe angazhuar njësitet relevante policore, të cilat kanë reaguar me shpejtësi në vendin e ngjarjes. Sipas informacioneve fillestare dyshohet se personi i dyshuar ka lënduar vetveten me një mjet të mprehtë (thikë). Është njoftuar ndihma e shpejtë e cila poashtu ka arritur në vendin e ngjarjes. Lidhur me nivelin e lëndimeve të shkaktuara mund ti adresoheni autoriteteve kompetente shendetsore, perderisa policia është duke kryer hetime relevante lidhur me rastin”. /InLajmi/
