Partia liberale bullgare nuk arriti të siguronte një shumicë parlamentare për të formuar një qeveri dhe udhëheqësi i saj i ktheu mandatin Presidentit Rumen Radev.
Shteti ballkanik rrezikon të shkojë sërish në zgjedhje të 4-ta në pak më shumë se një vit.
Kryeministri i emëruar Assen Vassilev, i cili është bashkëkryetar i partisë reformiste ‘Ne Vazhdojmë Ndryshojmë’, kishte një javë kohë për t’i dhënë fund krizës së fundit politike që ka përfshirë vendin.
Para se të kthente mandatin, Vasilev shpjegoi se partia e tij nuk gjeti mbështetjen e nevojshme për të siguruar një shumicë prej 121 vendesh në parlament për të zgjedhur një kabinet.
“Ne nuk mund të merrnim mbështetjen e nevojshme për të çliruar Bullgarinë nga korrupsioni”, tha Vasilev.
Vasilev i arsimuar në Harvard shërbeu si Ministër i Financave në qeverinë e mëparshme që u rrëzua me një votë mosbesimi më 22 qershor.
Kjo situatë mund të sjellë një prani më të fortë të grupeve nacionaliste dhe pro-ruse në parlament.
Të premten, Radev njoftoi se tashmë do t’i dorëzojë mandatin qeveritar partisë së qendrës së djathtë GERB të ish-kryeministrit Bojko Borisov, e cila ka thënë se do ta kthejë menjëherë mandatin, përcjell EuroNews.
Në këtë rast, një mandat i 3-të dhe i fundit do t’i ofrohet nga presidenti një partie parlamentare të zgjedhur prej tij. Analisti politik Daniel Smilov tha se dështimi për të formuar një qeveri.
