Mjekët në konferencën për shtyp konfirmuan se kanë shpenzuar 4 orë e gjysmë duke e trajtuar Shinzon Aben, ish-kryeministrin japonez.
Ishin 20 profesionistë mjekësorë që trajtonin ish-udhëheqësin japonez, Shinzo Abe pasi ai u qëllua në Nara të premten, thanë mjekët në Universitetin Mjekësor Nara.
Në fillim, një ekip prej 10 profesionistësh po e trajtonin atë, por numri u dyfishua, thanë mjekët në një konferencë shtypi të premten.
Ata u përpoqën të ndalonin gjakderdhjen dhe bënë një transfuzion gjaku, duke përdorur më shumë se 100 njësi gjaku, por ishte e kot.
Ata konfirmuan se politikani kishte marrë 2 plagë, që besohet se ishin shkaku i plumbave, por mjekët nuk kanë mundur t’i gjenin ato gjatë operacionit.
Ndërkohë, 67-vjeçari ishte në qytetin jugor të Naras duke bërë fushatë në emër të një kandidati që garonte për Dhomën e Lartë të Japonisë, shkruan bbc.
Ish-kryeministri ishte duke mbajtur një fjalim kur u qëllua nga një person i armatosur – një 41-vjeçar që besohet të jetë ish-anëtar i Forcave të Vetëmbrojtjes, ekuivalenti i marinës së Japonisë, transmeton Telegrafi.
Abe ishte i vetëdijshëm kur u dërgua në spital, por vdiq më vonë në moshën 67-vjeçare pasi nuk mundi t’i përballonte plagët e rënda.
