Kryetari i PDK-së, Memli Krasniqi, ka shprehur ngushëllime për vdekjen e ish-kryeministrin e Japonisë, Shinzo Abe, përcjell InLajmi.
Krasniqi tha se, Abe kishte qenë një mik dhe mbështetës i madh për Kosovën.
Gjithashtu ai shtoi se Japonia është një ndër shtetet e para që ka njohur pavarësinë e Kosovës.
Postimi i plotë i tij:
Tragjik lajmi për vdekjen e ish Kryeministrit të Japonisë, Shinzo Abe, pas atentatit që iu bë ditën e sotme. Ish-Kryeministri Abe ka qenë një mik dhe mbështetës i madh i Republikës së Kosovës gjatë viteve të shërbimit të tij. Japonia është një ndër shtetet e para që ka njohur pavarësinë e shtetit tonë dhe, që nga ai moment, asnjëherë nuk ka pushuar së ndihmuari Kosovën në të gjitha format – posaçërisht gjatë udhëheqjes së Kryeministrit Abe. Ngushëllime familjes dhe tërë popullit japonez për humbjen e madhe! /InLajmi/
