Gjenerallejtënanti Bashkim Jashari ka marr pjesë në Konferencën e Ushtrisë Amerikane dhe ushtrive aleate evropiane, përcjell InLajmi.
Këtë vizitë Bekim Jashari e ka bërë me ftesë të Shefit të Shtabit të Ushtrisë së SHBA-së, Gjeneral James McConville.
Gjatë kësaj konference, Jashari takoi edhe Komandantin e Ushtrisë Amerikane për Evropë dhe Afrikë.
Oficerët e lartë të SHBA-së dhe më gjerë kanë diskutuar për sfidat e sigurisë në Evropë dhe më gjerë.
Njoftimi i plotë i Ministrisë së Mbrojtjes:
Gjenerallejtënant Bashkim Jashari merr pjesë në Konferencën e Ushtrisë Amerikane dhe ushtrive aleate evropiane
Me ftesë të Shefit të Shtabit të Ushtrisë së SHBA-së, Gjeneral James McConville, Komandanti i FSK-së, Gjenerallejtënant Bashkim Jashari, po merr pjesë në Konferencën e Ushtrive Evropiane (Conference of European Armies) 2022 në Garmisch të Gjermanisë.
Kjo konferencë është ndër ngjarjet kryesore të Ushtrisë Amerikane për Evropë dhe Afrikë (U.S. Army Europe and Africa) e nivelit të lartë të gjeneralëve, me qëllim të thellimit të bashkëpunimin në fushën e sigurisë dhe mbrojtjes.
Oficerë të lartë ushtarakë, komandantë të forcave tokësore, oficerë dhe përfaqësues tjerë të forcave të vendeve aleate evropiane dhe shteteve partnere bashkë me SHBA-në, në sesionet e konferencës, po diskutojnë për sfidat e sigurisë në Evropë dhe më gjerë.
Gjatë kësaj konference, Gjeneral Jashari takoi edhe Komandantin e Ushtrisë Amerikane për Evropë dhe Afrikë, Gjeneral Darryl Ëilliams, ku përveç diskutimeve tejët përmbajtësore, e falënderoi dhe shprehu mirënjohjen e lartë për mbështetjen jetike dhe të pazëvendësueshme që ofron Ushtria Amerikane për Evropë dhe Afrikë për FSK-në në të gjitha aspektet.
Konferenca është iniciativë që promovon bashkëpunimin dhe fuqizimin e marrëdhënieve në mes të Ushtrisë Amerikane dhe ushtrive të vendeve aleate dhe partnere të saj në Evropë./InLajmi/
