Në Pallatin e Kulturës në Gjakovë, sot po mbahen homazhe në nderim të mjekut, Mentor Salihi, i cili humbi jetën dje, pas një aksidenti të disa ditëve më parë, gjatë kryerjes së detyrës së tij.
Klankosova.tv, sjell këto fotografi nga vendi në të cilin miqtë, kolegët dhe familjarët e Mentor Salihit, e nderojnë atë para se ta përcjellin në banesën e tij të fundit.
Kujtojmë që në aksidentin e rëndë që ndodhi më 30 qershor në Gjakovë, u lënduan rëndë shoferi i autoambulancës, mjeku, tekniku dhe njëri nga 2 të lënduarit që po barteshin nga një aksident tjetër
Para disa ditësh nga ky aksident, duke mos iu mbijetuar plagëve, vdiq shoferi i autoambulancës, Skofiar Gjini, i cili humbi jetën pikërisht në ditën kur kishte bërë një vit që ishte punësuar në këtë qendër mjekësore, shkruan Klan Kosova.
Ndërkaq Mentor Salihi, i cili kishte qenë po ashtu në autoambulancë, pas lëndimeve, humbi jetën të martën që e lëmë pas.
