Ministri i Punëve të Brendshme, Xhelal Sveçla, për vizitë zyrtare në Belgjikë, është takuar me Zëvendës Kryeministren e Ministren e Administratës Publike, Petra De Sutter, përcjell InLajmi.
Zveçla ka thënë se Kosova ka marrë mbështetjen e Belgjikës për anëtarësimin e Kosovës në organizata ndërkombëtare.
Gjithashtu ai tha se në takim me ambasadoren Sutter kanë diskutuar për projekte konkrete në fushën e administratës publike.
Postimi i plotë i tij:
Gjatë vizitës zyrtare në Belgjikë, kisha kënaqësinë që bashkë me Zëvëndësministrin Bardhyl Dobra dhe Ambasadorin e Republikës së Kosovës në Belgjikë Agron Bajrami të takohem me Zëvendës Kryeministren e Ministren e Administratës Publike, Prof.Dr. Petra De Sutter.
E falënderova për mbështetjen e vazhdueshme për shtetin tonë si dhe e njoftova për të arriturat e qeverisë sonë, ndër të tjera në sundimin e ligjit e luftimin e krimit dhe korrupsionit.
Diskutuam për projekte konkrete në fushën e administratës publike, konkretisht në projektet tona në fushën e digjitalizimit të shërbimeve publike dhe procedurave administrative, proceset e rekrutimit si dhe në përmirësimin e sigurisë kibernetike.
Me këtë rast Prof.Dr. Petra De Sutter shprehu gatishmërinë e saj për mbështetjen e shtetit belg në projektet e administratës publike si dhe anëtarësimin e Kosovës në organizata ndërkombëtare.
Gjatë këtij takimi miqësor u dakorduam për nevojën e zgjerimit dhe fuqizimit të bashkëpunimit mes 2 vendeve tona. /InLajmi/
