Sokol Xhafa, kryeshef ekzekutiv i Ujësjellësit Rajonal “Prishtina” ka folur rreth keqpërdorimeve me ujë të pijshëm nga qytetarët.
Xhafa thekson se problem për evitimin e këtyre keqpërdorimeve mbetet numri i vogël i inspektorëve.
“Ne me inspektoratet tona ani pse brenda Prishtinës kemi 10 inspektorë të cilët bëjnë kontroll të njëjta. Duke qenë përqendrimi më i madh në Prishtinë, janë 5 punonjës që bëjnë shkyqjet dhe 5 që bëjnë procesverbalet e inspektimit që nëse e krahasojmë me numrin e konusmtaroëve është numër i vogël. Ani pse numër i vogël me të gjitha veprimet që po bëjnë kemi ndërru edhe orarin gjatë gjithë kohës janë në terren dhe për fat të keq rezultatet janë të këqija në raport me sjelljen e konsumatorit ndaj shërbimeve siç duket vazhdon të jetë ky trendi i keqpërdorimit të ujit sepse mënyrat e keqpërdorimit janë të ndryshme qoftë shmangja e ujëmatësit, qoftë kyçjet ilegale por edhe deri në pastrim të rrugëve apo veturave”, tha ai.
Tutje, ai ka bërë të ditur se vetëm javën e kaluar janë regjistruar mbi 30 raste të kyçjeve paralele në ujëmatës, e të cilat janë proceduar në Gjykatë.
“Keni shumë të drejtë nëse flasim nëse uji kalon përmes ujëmatësit, por fati i keq është që shohim në terren se nuk kalon fare nëpërmjet ujëmatësit, është kyçje paralele dhe javën e kaluar kishim mbi 30 raste që u proceduan në Gjykatë”, shtoi ai.
Madje, Xhafa ka treguar edhe për ndëshkimet ndaj atyre që ndërhyjnë në infrastrukturën e ujit të pijshëm, tha ai në Tëvë1.
“Sipas kodit penal, keqpërdorimi i ujit ose në momentin që ndërhyhet në infrastrukturë thuhet se dënimi shkon deri në 3 vite burg për persona fizikë dhe deri në 8 për pesona juridikë. Është edhe një rregullore e autoritetit rregullator që bëjnë faturim retroaktivë për konsumin ilegal që ka bërë, kjo është në rastet ekstreme dhe vetëm sot në rajoni e Fushë Kosovës janë hasur 15 konsumatorë të tillë që do të procedohen konform gjetjeve të inspektorëve”, tha ai.
