Delegacioni amerikan i Korporatës së Sfidave të Mijëvjeçarit dhe atij të Republikës së Kosovës në lidhje me programin Kompakt të MCC-së, kanë mbajtur mbledhje, ku kanë fol për grantin e fundit prej 237 milionë dollarë, raporton InLajmi.
Programi do të përfshijë 3 projekte:
- Rezerva dhe arbitrazh të energjisë (bateritë me kapacitet 170 MW, që ofrojnë rezervë 340 MWh),
- Zhvillimi i fuqisë punëtore dhe përfshirja e grave në sektor të energjisë, dhe
- Projekti i Institucionit Amerikan të Katalizatorit për Zhvillim
Ministrja e Ekonomisë, Artanë Rizvanolli, ka thënë se ky program në Kosovë do të sjellë rezerva të energjisë dhe se do te jetë investimi i parë i baterive ne rajon.
“Ky program do të sjellë në Kosovë rezerva të energjisë. Sa i përket baterive do të jetë investimi i parë në rajon. Programi do të lehtësoj bashkëpunimin me sektorin privat për energji. Programin do të kursejë 15 milionë euro në vit. Në emër të qeverisë shpreh mirënjohje për SHBA për këtë përkrahje”, tha ajo.
Rizvanolli, u shpreh se ky program është një surprizë për Kosovën dhe mendon se do të përfitojnë nga rritja e sektorit të energjisë.
“Jam e emocionuar që ky program po ndërtohet. Mendoj se nuk është surprizë që Kosova e ka shkallën më të ulët të pjesëmarrjes së grave në tregun e punës dhe mundësojmë që të përfitojmë nga rritja e sektorët të energjisë. Të gjithë akterët kanë qenë entuziastë për këtë program. Kosova nuk duhet të humb kohë që të marrë programin. Duhet të punojmë së bashku në sektorin e politikës. Ne presim që ky program të nënshkruhet në korrik dhe të ratifikohet nga parlamenti juaj. Kam kënaqësinë të punojmë së bashku me qeverinë dhe të lansojmë këtë investim sa më shpejt që është e mundur”. /InLajmi/
