E para e shtetit të Kosovës, Vjosa Osmani, ka bërë të ditur së është përuara një ulëse ë parkun e Kështjellës Kromberk në Nova Goricë, përcjell InLajmi.
Krejt kjo si një shenjë për miqësinë e Kosovës me Slloveninë, kjo ulëse është përuruar bashkë më presidentin slloven, Borut Pahor.
Por sipas presidentes kjo nuk do të jetë ulësja e vetme sepse po punohet shumë që Kosova të siguroi një ulëse në BE.
Postimi i plotë i saj:
Miqësitë e veçanta në mes të njerëzve, popujve e shteteve gjithnjë e gjejnë mënyrën për t’u përjetësuar.
Një ulëse e përuruar së bashku me presidentin Pahor në parkun e Kështjellës Kromberk në Nova Goricë është tashmë simbol i miqësisë së fortë ndërmjet Kosovës e Sllovenisë, e cila daton prej viteve të 80-ta. Kjo ulëse do të shërbejë përherë si sinonim i miqësisë së palëkundur në mes të vendeve tona, teksa shqiptarët që jetojnë në këtë komunë do të jenë gjithnjë urë lidhëse ndërmjet 2 popujve tanë.
Në po të njëjtën frymë që promovon sot kjo ulëse e miqësisë, do të punojmë fort që Kosova krahas Sllovenisë së shpejti ta ketë një ulëse edhe në BE e në NATO, ku së bashku do t’i përfaqësojmë vlerat e përbashkëta evropiane. /InLajmi/
