Ministria e Punëve të Jashtme dhe Diasporës, ka njoftuar se shtetasit e Republikës së Kosovës, për fëmijët nën moshën 18 vjeçare që duhet të pajisen me një dokument të vlefshëm, përcjell InLajmi.
Në njoftim thuhet se Mali i Zi e ka pezulluar vendimin për fëmijët nën moshën 18 vjeçar nga Kosova janë të lejuar të kalojnë kufirin vetëm me certifikatë të lindjes.
Në këtë vendim nga Mali i Zi përfshinë edhe të miturit që duhet të kenë me vete dokumente të vlefshme udhëtimi.
Njoftimi i plotë nga Ministria e Punëve të Jashtme dhe Diasporës:
Njoftim për kalimin kufitar Kosovë-Mali i Zi
Ministria e Punëve të Jashtme dhe Diasporës njofton të gjithë shtetasit e Republikës së Kosovës, se për kalimin kufitar në Malin e Zi, edhe fëmijët nën moshën 18 vjeçare duhet të jenë të pajisur me një dokument të vlefshëm udhëtimi.
Mali i Zi ka pezulluar vendimin e mëparshëm në bazë të të cilit fëmijët nën moshën 18-vjeçare nga Republika e Kosovës, janë lejuar të kalojnë kufirin vetëm me certifikatë të lindjes.
Vendimi për hyrjen në Malin e Zi të të gjithë shtetasve të Republikës së Kosovës, përfshirë edhe të miturit, vetëm me dokumente të vlefshme udhëtimi, është tashmë në fuqi. /InLajmi/
