Presidenti Erdogan thotë se Suedia ka premtuar të dorëzojë 73 persona, transmeton InLajmi.
NATO ka nisur zyrtarisht procesin për të sjellë Suedinë dhe Finlandën në aleancën e saj ushtarake. Por një kusht kyç për Turqinë anëtare të NATO-s është dorëzimi i më shumë se 70 personave të përshkruar nga presidenti i saj si terroristë.
Udhëheqësit e 2 vendeve nordike thonë se po e marrin seriozisht çështjen, por në fund të fundit ekstradimi u takon gjykatave dhe jo politikanëve. Pra, kë dëshiron Turqia dhe a mund të deportohen ndonjëherë në Ankara?
Bulent Kenes: Gazetar
Për vite, ai ishte kryeredaktor i Today’s Zaman, një e përditshme e madhe në gjuhën angleze në Turqi, përpara se të mbyllej në vitin 2016. Tani, ai jeton në mërgim në Stokholm.
Zoti Kenes tha se ai u bë një objektiv për kritikat e tij të hapura ndaj Presidentit Erdogan dhe u përball me akuzat për komplot për të rrëzuar qeverinë: “Të gjitha akuzat janë të sajuara. Unë jam një gazetar i pavarur pa lidhje me asnjë organizatë.”
Fatih: “Zjarrvënës i reformuar”
Të tjerët në listën e Turqisë janë shumë më pak të spikatur. Fatih, një kurd finlandez, ishte pjesë e një grupi prej pesë të rinjsh që i vunë zjarrin derës së ambasadës turke në vitin 2008.
Tani një pronar biznesi dhe sipërmarrës 37-vjeçar, tha se ishte penduar për atë që bëri: “Në atë kohë, jeta ime ishte ngatërruar, kisha shumë lloje problemesh.”
Ai u befasua kur e gjeti emrin e tij në listë, pasi mbaroi vuajtjen e një dënimi me kusht prej 14 muajsh shumë kohë më parë dhe i pagoi dëmet ambasadës. Autoritetet finlandeze i dhanë atij shtetësinë disa vite më parë dhe e konsideruan çështjen e ambasadës të mbyllur, tha ai, shkruan BBC.
Aysen Furhoff – Mësuesja që iku
Aysen Furhoff erdhi në Suedi pasi kreu 5 vjet burgim Turqi për përpjekje për të “përmbysur rendin kushtetues” kur ishte 17 vjeç dhe ishte anëtare e Partisë Komuniste Turke. Ajo tha se asaj iu ofrua mbrojtje në Suedi./InLajmi/
