Bashkësia Islame e Kosovës, ka njoftuar se Kryetari i Bashkësisë Islame të Kosovës, Myftiu Naim ka pritur në takim drejtoreshën e Drejtorisë së Inspektoratit në AVUK, Ilirjana Zymberajn, përcjell InLajmi.
BIK-u ka njoftuar se myftiu Tërnava ka shprehur falënderime për “mbështetjen e vazhdueshme të AUV-it për menaxhimin e procesit të therjes së kurbaneve”.
BIK-u dhe AUV-i kanë apeluar te të gjithë qytetarët e Kosovës të cilën duan të therin Kurban, që këtë ta bëjnë sipas kushteve dhe rregullave të parapara nga AVUK.
Njoftimi i plotë nga Bashkësia Islame e Kosovës:
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim drejtoreshën e Drejtorisë së Inspektoratit në AVUK, znj. Ilirjana Zymberajn.
Myftiu Tërnava shprehu falënderimet e tij për mbështetjen e vazhdueshme të Agjencisë së Ushqimit dhe Veterinës (AVUK) për menaxhimin e procesit të therjes së kurbaneve.
Edhe Zymberaj u shpreh e kënaqur me bashkëpunimin e deritanishëm ndërmjet AVUK-ut dhe BIK-ut, si dhe shprehu gatishmërinë që ky bashkëpunim i mirë të vazhdojë edhe më tej.
Bashkësia Islame e Kosovës dhe Agjencia e Ushqimit dhe Veterinës bëjnë apel te të gjithë qytetarët e Kosovës të cilën duan të therin kurban, që këtë ta bëjnë sipas kushteve dhe rregullave të parapara nga AVUK. /InLajmi/
