Policia e Kosovës ka dhënë detaje për sulmin ndaj 2 personave zyrtar në Skenderaj, përcjell InLajmi.
Policia ka thënë se lidhur me rastin janë intervistuar 4 të dyshuar meshkuj kosovarë.
“Sulm ndaj personit zyrtar, Skenderaj 02.07.2022 – 23:55. Lidhur me rastin janë intervistuar 4 të dyshuar meshkuj kosovarë, pasi që të njëjtit pas shqiptimit të një gjobe për kundërvajtje në trafik kanë sulmuar 2 zyrtarë policorë. Njëri nga zyrtarët ka pësuar lëndime nga arma e zjarrit, ndërsa zyrtari tjetër nga një mjet i fortë. Viktimat janë dërguar për tretman mjekësor. Në vendin e ngajrjes si dhe gjatë bastisjes nga njësitet policore janë konfiskuar dëshmi/provave materiale. Me vendim të prokurorit, 2 të dyshuar janë dërguar në mbajtje, ndërsa 2 të tjerët janë liruar”, njofton Policia e Kosovës.
Tutje policia ka njoftuar se në vendin e ngjarjes si dhe gjatë bastisjes nga njësitet policore janë konfiskuar dëshmi provave materiale.
Gjithashtu sipas policisë me vendim të prokurorit, 2 të dyshuar janë dërguar në mbajtje./InLajmi/
