Presidentja e Kosovës, Vjosa Osmani, ka thënë se ka marrë mbështetje për liberalizimin e vizave për Kosovën, nga homologu i saj slloven, Borut Pahor, përcjell InLajmi.
Osmani në një konferencë për media në Slloveni tha se është e papranueshme që çështja e vizave për Republikën e Kosovës të hapet sërish.
“Është e papranueshme që çështja e vizave për Kosovën të hapet sërish. Ne kemi përmbushur kriteret para 4-tër viteve. PE ka votuar 2 herë për neve tani i mbetet shteteve anëtare. e presim të arrihet në muajt në vijim”, tha Osmani.
Osmani ndër të tjera ka falënderuar shtetin e Sllovenisë për mbështetjen ndaj Kosovë në të gjitha etapat, përfshirë këtu edhe anëtarësimin në organizata ndërkombëtare. /InLajmi/
