Kryeministri ukrainas, Denys Shmygal është shprehur se Ukrainës do t’i duhen 750 miliardë dollarë për një plan rimëkëmbjeje pas pushtimit të Rusisë.
Duke folur me liderët në Konferencën e Rimëkëmbjes së Ukrainës në qytetin zviceran të Luganos, Shmygal tha se kishte mbi 100 miliardë dollarë dëme të drejtpërdrejta në infrastrukturën ukrainase nga pushtimi i Rusisë, raporton Sky News,
Ai vazhdoi duke thënë se plani i rimëkëmbjes duhej të ishte në 3 faza dhe e para do të fokusohej në rregullimin e gjërave që kanë rëndësi për jetën e përditshme të njerëzve siç është furnizimi me ujë, transmeton Klankosova.tv.
Tutje, Shmygal shtoi se qeveria ukrainase besonte se një burim kyç financimi për planin e rimëkëmbjes duhet të jenë asetet e konfiskuara nga rusët.
