Rusia akuzoi të dielën Ukrainën për sulmet me raketa që raportohet se vranë 3 persona në qytetin rus të Belgorod, pranë kufirit.
Guvernatori rajonal deklaroi se si pasojë e këtij sulmi dhjetëra ndërtesa banimi u goditën ndërsa u aktivizua dhe mbrojtja ajrore. Sipas Kremlinit ky sulm ishte një përpjekje e qëllimshme e forcave ukrainase për të shënjestruar civilët.
Ukraina hodhi poshtë pretendimin duke thënë se rusët kishin gënjyer për incidente të ngjashme edhe në të kaluarën.
Belgorod, një qytet me 370 mijë banorë që shtrihet në veri të Kharkiv, është sulmuar në disa raste që kur Moska pushtoi Ukrainën në shkurt, shkruan A2CNN
Zëdhënësi i ministrisë ruse të mbrojtjes, Igor Konashenkov tha se mbrojtja ajrore kishte shkatërruar tre raketa balistike ukrainase Tochka-U, por fragmente të njërës prej tyre ranë në një bllok banesash.
