Pas heqjes së masave anti-Covid pas rreth 2 vitesh duket se bizneset në Greqi janë “të etur” për të fituar ato para që nuk arritën të siguronin 2 sezonet e kaluara. Në ishullin Mykonos çmimet janë shumë të larta duke kaluar limitet e pranueshme.
Sipas mediave greke, në lokalet e ishullit për të parë perëndimin e diellit kushton 500 euro. Ky fakt është evidentuar nga një banor i Mykonos, Dimitris Koutsoukos, teksa e ka bërë më dije këtë “çmenduri”.
“2 miqtë e mi nga San Francisko kanë ardhur në Mykonos, që nuk janë aspak të varfër dhe as shumë të pasur. Dje donin të shkonin diku për një pije për të parë perëndimin e diellit. Ata u ulën në një nga lokalet, për të parë perëndimin e diellit. Kamerieri shkoi për të marrë porosinë dhe u tha se është 500 euro konsumi minimal për tavolinë. U ngritën dhe u larguan. Sot pyeta dikë që e njeh dhe më tha që jo të gjitha dyqanet atje kanë një konsum minimal të pijeve. Pra duam vetëm turistë shumë të pasur në Mykonos? Ne kemi ikur shumë në këtë ishull,” tha Koutsoukos, përcjell Living Shqip.
Vetëm disa javë më parë bujë rasti i 2 turisteve amerikane, nënë e bijë, të cilat kishin porositur 2 kokteje dhe këmbë gaforre dhe u tronditën kur fatura i erdhi mbi 600 euro dhe 65 euro i ishin vënë për bakshish pa dijeninë e tyre.
