Ministri i Financave, Hekuran Murati, është deklaruar në lidhje me disa shkrime rreth veteranëve, vite më parë, përcjell InLajmi.
Murati ka kërkuar falje ndaj luftëtarëve të UÇK-së për gjuhën e përdorur ndaj veteranëve.
Gjithashtu ai tha se ato shkrime kanë qenë para disa viteve ku e ka shprehur mllefin për fryrjen e listave për përfitime financiare.
Më tej ai tha se e pranon gjuhën që e ka përdorur asokohe për që tashmë ka gabuar.
Postimi i plotë i tij:
I përulem sakrificës së secilit dëshmor e kontributit të secilit ushtar të luftës së Ushtrisë Çlirimtare të Kosovës.
Ky është qëndrimi im.
Shkrimet e para disa viteve kanë qenë nga mllefi me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive. Ju siguroj se ato shkrime nuk kanë pasur synim ofendimin ndaj ushtarëve dhe dëshmorëve.
E pranoj që gjuha e përdorur atëherë ka qenë e gabuar, prandaj ju kërkoj ndjesë të gjithë luftëtarëve të UÇK-së dhe familjeve të tyre. /InLajmi/
