Kryeministri i Republikës së Kosovës, Albin Kurti ka marr pjesë në tryezën e diskutimit “Kosova si shoqëri shumëgjuhëshe”, raporton InLajmi.
Kurti, ka thënë se Kosova është model sa i përket respektimit të gjuhëve të huaja, në tryezën e diskutimeve.
Gjithashtu ai tha se mësimi i gjuhëve të huaja ua lehtëson qytetarëve një komunikim ndërmjet njerëzve që krijon kushte për progres.
“Po punojmë për një njësi për përkthim që do të funksionalizohet brenda vitit. E dimë që ka shumë për t’u bërë në Kosovë. Në punë jemi kuptuar me njeri-tjetrin jo vetëm ata qe flasin gjuhën amtare. Mësimi i gjuhëve të tjerëve e lehtëson komunikimin ndërmjet njerëzve. Mundësia për të dëgjuar dikë tjetër krijon kushte për progres. Ne një botë ku vlerësohet se 60% e popullatës së globit flasin 2 gjuhe apo me shume fëmijët kanë mundësi më shumë për të mësuar. Për këtë brez mund të krijojmë një shoqëri shumë gjuhësore. Jemi për të shënuar këto arritje në përdorimin e gjuhëve në Kosovë”, tha Kurti.
Më tej ai, shtoi se askush prej qeverisë nuk e ka marrë synimin që të mos përkthejë diçka në serbisht por që duhet një bashkëpunim më i mirë sepse nuk ka mbajtshëm përkthyes të mirë.
“Askush prej qeverisë sonë nuk ka kurrfarë synimi që diçka që të mos përkthejmë në serbisht t’i japin ndonjë qëllim politik. Nganjëherë kemi mangësi por nuk do të thotë t’i bëjmë presion politikisht. Duhet bashkëpunim sepse nuk ka mjaftueshëm përkthyes të mirë”, tha Kurti. /InLajmi/
