Policia e Kosovës, ka njoftuar se ka ndodhur një aksident trafiku në rrugën Bajram Gashi në Lipjan, përcjell InLajmi.
Aksidenti ka ndodhur mes 2 veturave ku më pas kanë përfunduar në lokalin e një shtëpie.
“Rreth orës 01:00, është pranuar informata për një aksident trafiku të ndodhur në rrugën “Bajram Gashi” në Lipjan. Nga informatat e para është bërë e ditur se 2 vetura janë përfshirë në aksident me ç’ rast njëra nga to ka përfunduar në lokalin e një shtëpie skaj rrugës”.
Lidhur me aksidentin kanë pësuar lëndime 4 persona të cilët kanë marrë tretmanë mjekësor të menjëhershëm.
“Si pasojë e këtij aksidenti 4-tër persona kanë pësuar lëndime, të cilët kanë marrë trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për hetimin e shkaqeve që kanë sjellë deri te ky aksident”.
Lajmin për InLajmin e ka konfirmuar zëdhënësi i përgjithshëm i policisë Agron Borovci. /InLajmi/
