46 persona janë gjetur të vdekur në një kamion të braktisur në periferi të San Antonios në Texas, transmeton InLajmi.
Në lidhje me këtë ka reaguar OKB-ja, e cila e quajti këtë lajm si tronditës.
Kombet e Bashkuara janë “thellësisht të shqetësuara dhe të tronditura” nga lajmet e dhjetëra vdekjeve të emigrantëve në Teksas, thotë Shabia Mantoo, një zëdhënëse e Agjencisë së OKB-së për Refugjatët.
Mantoo thotë se emigrantët, refugjatët dhe azilkërkuesit në mbarë botën po rrezikojnë jetën e tyre ose rrezikojnë shfrytëzimin nga trafikantët duke ndjekur kalimet e rrezikshme kufitare nga toka ose deti, shkruan BBC.
Mantoo bën thirrje për alternativa më të sigurta, duke përfshirë procese “të drejta dhe efikase” të azilit në mbarë botën dhe më shumë përpjekje për të adresuar shkaqet rrënjësore që i bëjnë njerëzit të largohen nga vendi i tyre. /InLajmi/
