Turqia ka hequr bllokadën që i kishte vendosur Suedisë dhe Finlandës për anëtarësim në NATO, transmeton InLajmi.
Në lidhje me këtë ka reaguar kryeministrja suedeze Magdalena Andersson, e cila e përshëndeti vendimin, duke e quajtur si një “hap të rëndësishëm”.
“Ne do të vazhdojmë luftën tonë kundër terrorizmit dhe si anëtarë të NATO-s, gjithashtu do ta bëjmë këtë me bashkëpunim më të ngushtë me Turqinë,” tha Andersson.
Ajo tha gjithashtu se autoritetet suedeze po punonin për kërkesat për ekstradim nga Turqia në përputhje me ligjin vendas dhe evropian, shkruan BBC.
Turqia fillimisht kishte kundërshtuar anëtarësimin e Suedisë, së bashku me atë të Finlandës me arsyetimin se ata strehonin aktivistët kurdë të konsideruar nga Ankaraja si terroristë. /InLajmi/
