Presidentja e Kosovës, Vjosa Osmani gjatë vizitës në Singapor është pritur në takim nga Presidentja e këtij vendi Halimah Yacob, përcjell InLajmi.
Osmani tha se distanca mes Kosovës dhe Signaporit i bashkon afërsia mes miqve partner.
Presidentja shtoi se gjatë kësaj vizite ka potencuar mundësit e bashkëpunimit në fusha të ndryshme nga politika e jashtme për të 2-ja vendet.
Postimi i plotë i saj:
Distanca gjeografike në mes të 2 vendeve sfidohet gjithnjë nga afërsia e bashkëpunimi në mes miqve e partnerëve. Një fillim i shkëlqyeshëm i vizitës në Singapor ku u mirëprita nga Presidentja Halimah Yacob.
Singapori shquhet për zhvillimin dinamik, avancimin teknologjik dhe shndërrimin në një prej epiqendrave të aktivitetit ekonomik në Azi.
Në këtë kontekst potencova mundësitë për bashkëpunim në fusha të ndryshme, nga politika e jashtme e deri te teknologjia, energjia, arsimi e shumë fusha të tjera. Prandaj, kjo vizitë konfirmon gatishmërinë e dyanshme për intensifikim të bashkëpunimit. /InLajmi/
