Princi i Uellsit pranoi një valixhe që përmbante një donacion prej 1 milion euro nga një ish-kryeministër i Katarit, transmeton InLajmi.
Mediat britanike raportojnë se pagesa ishte një nga 3 milionë euro që Princi i Uellsit thuhet se ka marrë nga Sheikh Hamad bin Jassim bin Jaber Al Thani midis viteve 2011 dhe 2015.
Sheiku, që ka qenë edhe ish-kryeministri i Katarit me nofkën HBJ, dorëzoi shuma të mëdha parash në takimet private me Charles të futura në çanta transportuese të brendit të mirënjohur Fortnum & Mason.
Në një takim, ai raportohet se paraqiti 1 milion euro, rreth 861.000 £, të futura në çanta transportuese nga shitësi i mirënjohur Fortnum & Mason.
Në një takim tjetër kokë më kokë në Clarence House në vitin 2015, Charles pranoi një valixhe që kishte 1 milion euro të tjera.
2 këshilltarë në familjen mbretërore numëruan me dorë paratë, të cilat thuhet se përbëheshin nga kartëmonedha 500 euro që tani janë hequr nga tregu.
Më pas mësohet se banka private Coutts e ka marrë valixhen nga rezidenca e Charles në Londër me kërkesë të ndihmësve të pallatit, shkruan ITV.com.
“Donacionet bamirëse të marra nga Sheikh Hamad bin Jassim iu kaluan menjëherë një prej bamirësive të Princit, i cili kreu qeverisjen e duhur dhe na siguroi se të gjitha proceset e duhura ishin ndjekur”, thuhet në një deklaratë. /InLajmi/
